Kautokeino 23/24

Háliidat go searvat Flytii?

Ruvdnoprinsabára Foanda bovde du Flyt-prográmmii, gos oaččut ávkkálaš rávvagiid dasa movt sáhtát hukset alccet buori eallima.

Aktivitehtat, ustitvuođat ja máhttu

Flyt oktavuođas beasat searvat máŋggalágan čoagganemiide gos lea buorre borramuš ja ustitlaš olbmot. Flyt lea astoáiggis,dat lea nuvttá ja beasat leat mielde diŋggain maid mii eat jáhke du ovdal vásihan. Muhtin oassi lea olgun, juoga fas siste, ja buot doaimmain leat čeahpes jođiheaddjit.
Buot maid dagat, oahpat ja buot masa searvvat lea juoga mii lea ávkkálaš go galggat iežat boahtteáiggi plánet ja birget eallimis.

1.modula: Flyt aktivitehtabeaivvit

Flyt álggus leat mátkkážat ja vásáhusat. Doppe oahpásnuvat daid eará nuoraiguin,Flyt-jođiheddjiiguin ja prográmma sisdoaluin.

2. modula: Flyt kurssat Flyt joatkka lea logi vahkku kursa (nuvttá biebmu!). Juohke vahkkus lea sierra temá, ovdamearkka dihte «kommunikašuvdna», «streassahálddašeapmi» ja «nannen». Maŋŋel juovllaid lea temán joatkkaskuvla ja don sáhtát ráhkadit alccet persovnnalaš «geaidnokártta»
mii čájeha du gievrras beliid, beroštumiid ja boahtteáiggenieguid.

3. modula: Flyt sosiála Go lehpet čađahan modula 2 de joatká Flyt sosiála čoagganemiiguinjuohke mánus sidjiide geat dan háliidit. Maŋemus čoagganeapmi lea dakka maŋŋel
go leat álgán joatkkaskuvlii.

Modula Ekstra: Flyt váhnemiidda Eaktodáhtolaš čoagganeapmi váhnemiidda/váhnemiid ovddasteddjiide geat háliidit dieđuid Flyt-prográmma nákcavuđot jurddavuogi ja fágalaš sisdoalu birra.

Fakta

• Flyt lea vuođđuduvvon nákcavuđot jurddavuogi nala. Dutkit leat defineren 24 nanu návcca, ja Flytas atnit mii deaŧalažžan álo ohcat/fokuseret iežamet ja earáid nanu beliid ja nanu návccaid.
• Ulbmil Flytain lea ovdánahttit nuoraid nu ahte sii nagodit čađahit joatkkaskuvlla.

• Vuođđudus Ruvdnaprinsabára Foanda/Stiftelsen Kronprinsparets Fond lea ovdánahttán Flyt-prográmma ovttasráđiid nuoraiguin, fágaolbmuiguin, dutkiiguin ja ásahusaiguin mat ruhtadit dan.
• Suohkan/gielda ja Ruvdnaprinsabára Foanda ovttasbarget Flyt čađahemiin. Buot Flyt-jođiheaddjit leat ožžon oahpu Ruvdnaprinsabára Foanddas ja sii leat mielde riikkaviidosašFlyt-fierpmádagas.
• Flyt-prográmma álggahuvvui 2019:s ja dađistaga eanet suohkanat miehtá Norgga fállet nuoraide Flyt.

Flyt-nuorat leat bures ráhkkanan
boahtteáigái

Gávnnahan dihte makkár mearkkašupmi Flytas lea oasseváldiide, leat Forskningsstiftelsen (dutkanvuođđudus) Fafo jaVelferdsforskningsinstituttet (čálgodutkaninstituhtta) NOVA čuvvon Flyt-nuoraid álggu rájes. Raporttaid gávnnat dáppe:flytprogrammet.no. Dá leat muhtin gávdnosat:

Oadjebasat oahppoválljejupmi – Oasseváldit muitalit ahte sii leat šaddan aktiivvabut skuvllas ja ahte sis lea buoret konsentrašuvdna danne go sis dál lea boahtteáiggeplána mii motivere presteret. Oallugat deattuhit metoda man mii gohčodit «geaidnokártan», ja orro vuhttome ahte dat leat oallugiid motiveren skuvlabargui.

Buoret birgennákca - Oasseváldit leat šaddan nannoseappot ja birgejit buorebut go ovdal riidduid, streassa ja dovdduidhálddašeamis. Dasa lassin nanne Flyt sin iešgova/iešdovddu.

Nannoset oktavuohta – Eanas oasseváldit oaivvildit ahte sidjiide lea šaddan álkit hupmat ođđa olbmuiguin maŋŋel go leat leamaš mielde Flytas. Máŋggas lohket sii dovdet iežaset unnit olggobealde maŋŋel go leat čađahan Flyt.

Ođđa álgu – ođđa rolla – Oasseváldit lohket ahte Flyt lei sidjiide deaŧalaš danne go dat attii vejolašvuođa oahpásnuvvat ođđa nuoraiguin iežaset guovllus. Sii lohket ahte sidjiide lei deaŧalaš ahte ovdalaš sosiála hierarkiijat mat ledje skuvllas ja astoáiggedoaimmain, eai jotkojuvvon Flytas.

Flyt lea fálaldat Ruvdnaprinsabára Foanddas

Ruvdnaprinsabára Foanda bargá dan ovdii ahte buot nuorat Norggas galget beassat ovdánit ja oassálastit servodaga doaimmain. Mii diehtit ahte oahppu ja bargu lea deaŧalaš dasa ahte nuorat nagodit hukset alcceseaset buori eallima. Mii diehtit maid ahte ii álo leat nu álki leat nuorra. Streassa, vuordámušat, gáibádusat ja vuorjan lea oallugiin njeaidán oahppanmotivašuvnna. Danne leat mii ráhkadan Flyt-prográmma.

Searvvat go?

Flyt lea fállun du suohkana 10. luohká ohppiide. Joavkkuide biddjojuvvojit iešguđet nuorat. Mii eat beroš du árvosániin dahje maid don máhtát, muhto dušše das gii don leat.